Lenodiar Pediatric

Lenodiar Pediatric rekomandohet për trajtimin e diarresë.
Produkti zvogëlon shkarkimet e diarresë duke respektuar funksionet e intestinit.
Diarreja është një fenomen që shoqërohet me një gjendje irritimi dhe inflamacioni të mukozës intestinale për shkaqe me origjinë të ndryshme. Kjo gjendje shkaktohet për arsye të rritjes së sekretimit dhe/ose përthithjes së dobët të lëngjeve, që shoqërohet me një rritje të motilitetit të intestinit.
Përveç shqetësimit dhe dhimbjes, diarrea paraqet rrezikun e dehidratimit, humbjen e vitaminave dhe të mineraleve dhe një çekuilibër të florës bakteriale të intestinit.

UDHËZIME
Lenodiar Pediatric është i përshtatshëm për trajtimin e diarresë me origjinë të ndryshme (infeksion viral, sindroma gripale të karakterizuara nga diarrea, diarre funksionale, diarre jatrogjene për shkak të marrjes së ilaçeve, diarre e udhëtarit).
Rekomandohet që fëmija të marrë një sasi adekuate lëngjesh për të shmangur rrezikun e dehidratimit.
Produkti mund të përdoret nga mosha 1 vjeç e sipër.

SI VEPRON
Lenodiar Pediatric vepron në sajë të Actitan- F, një kompleks molekular natyral fryt i kërkimeve Aboca që zvogëlon shkarkimet e diarresë dhe normalizon konsistencën e feçeve, duke favorizuar një ekuilibër të shpejtë të funksioneve të intestinit.
Actitan-F  vepron kundër inflamacionin e mukozës intestinale, i pranishëm në rast diarreje, në sajë të dy mekanizmave të veprimit:

1. veprim mbrojtës, që arrihet nëpërmjet formimit të një filmi me efekt barrierë që kufizon kontaktin me mikroorganizmat dhe agjentët irritues;
2. veprim anti-radikal mbi radikalet e lira, që vepron kundër irritimit të mukozës.

Në sajë të sinergjisë së veprimeve të tij, Lenodiar Pediatric favorizon rimarrjen e shpejtë të funksionit intestinal dhe rivendos ekuilibrin e florës bakteriale (mikrobiotës).
Për shkak të mekanizmit të tij të veprimit produkti vepron duke respektuar fiziologjinë e intestinit dhe pa shkaktuar kapsllëk.

Lenodiar Pediatric është një produkt 100% natyral dhe i biodegradueshëm, është pa gluten dhe me shije të këndshme.

Rekomandohet të merrni 1 bustinë çdo 3 orë deri në maksimum 4 bustina në ditë, në varësi të intensitetit të shqetësimit. 

Treteni përmbajtjen e një bustine (qese) në 10 ml ujë (rreth 1 lugë gjelle). Nëse diarreja nuk përmirësohet ose përkeqësohet pavarësisht nga trajtimi, konsultohuni me mjekun.

Substancat funksionale: Actitan-F, kompleks molekular natyral me tanine (nga Rodhëza, Potentilla) dhe flavonoide (nga Kamomili)
Me përmbajtje të tanineve totale ≥ 7.8%

Përmban gjithashtu: ekstrakt i thatë nga lëngu i rrushit të frëngut, manaferrës dhe shtogut, sheqer kallamsheqeri, aromë natyrale e aromë limoni, vaj esencial limoni, gomë arabike.

Nuk duhet përdorur nëse keni mbindjeshmëri ose alergji individuale ndaj një ose më shumë përbërësve. Në rast se simptomat nuk përmirësohen, rekomandohet të konsultoheni me mjekun.
Të ruhet në temperaturë ambienti, larg burimeve të nxehtësisë dhe të mbrohet nga drita. Të mbahet larg fëmijëve.
Data e skadimit i referohet produktit të paprekur dhe të ruajtur në mënyrë korrekte.