Grintuss Adult Shurup

Grintuss Adult është një shurup që vepron si në fazën e kollës së thatë, duke luftuar inflamacionin e mukozës, ashtu edhe në fazën me mukus, duke favorizuar hidratimin dhe eliminimin nga rrugët e sipërme të frymëmarrjes.
Grintuss Adult, me bazë Poliresin - kompleks vegjetal - dhe Mjaltë, ka një formulë 100% natyrale, të biodegradueshme dhe me përbërës nga Bujqësia Biologjike.

UDHËZIME
Grintuss Adult shurup rekomandohet për trajtimin e kollës, si të thatën ashtu edhe kollën me sekrecione, për të rriturit dhe fëmijët duke filluar nga mosha 12 vjeç. Këshillohet si për kollën në fazën akute ashtu edhe në rastin e kollës së vazhdueshme.

SI VEPRON
Grintuss kryen një veprim fiziologjik mbrojtës, lehtësues dhe anti-inflamator në rrugët e sipërme të frymëmarrjes si rezultat i mekanizmave të mëposhtëm të veprimit:

• Barrierë
  Formon një film mbrojtës mbi mukozë dhe e mbron atë nga kontakti me agjentët irritues.
• Antioksidues
  Redukton radikalet e lira të krijuara nga inflamacioni i mukozës.
• Mukorregullues
  Nxit hidratimin e mukusit të pranishëm në rrugët e sipërme të frymëmarrjes, duke ulur viskozitetin dhe duke favorizuar eliminimin e tij.
• Lubrifikues
  Kufizon fërkimin ndërmjet epiglotës dhe faringut gjatë kollitjes, duke kundërshtuar kështu rrethin vicioz që kontribuon në inflamacion.
• Hidratues
  Favorizon ruajtjen e integritetit dhe të funksionalitetit të mukozës.

Shurupet Grintuss rregullojnë kollën pa e zhdukur, duke respektuar kështu rolin e rëndësishëm në mbrojtjen e rrugëve të frymëmarrjes.

Këshillohet të merrni dy lugë dozimi rrafsh me produkt nga dy deri në katër herë në ditë, duke bërë administrimin e fundit përpara se të shkoni për të fjetur.
Të tundet para përdorimit. Pas përdorimit, mbylleni flakonin fort dhe lani mirë lugën.
Produkti mund të merret edhe për periudha të zgjatura.
Megjithatë, nëse pas 14 ditësh nga trajtimi simptomat nuk kalojnë, rekomandohet të konsultoheni edhe me një mjek.

Një lugë plot me produkt (5 ml) përmban: kompleks vegjetal Poliresin 80 mg, i bazuar në Polisaharide, Rrëshira dhe Flavonoide (fraksion ekstraktiv LPME Gjethedelli*, Grindelia* dhe Makthi*); Mjaltë* 1,7 g; Sheqer kallamsheqeri*; Ujë; Vajra esencialë Ekualipti, Anason yll dhe Limon; Aromë natyrale Limoni; Goma arabike dhe ksantan.
*Përbërës nga Bujqësia Biologjike

Grintuss Adult nuk përmban substanca sintetike, gjysmë sintetike ose të modifikuara gjenetikisht e, edhe proceset e përpunimit me të cilat përftohet, nuk përdorin as solvente as substanca të tjera sintetike kimike.

Nuk përmban konservues dhe ëmbëlsues artificialë.

Fraksioni ekstraktiv që përmbahet në produkte përftohet nëpërmjet një procesi teknologjik ekskluziv, të quajtur LPME (Liquid-Phase Microextraction), i zhvilluar nga kërkimet Aboca.

Nuk duhet përdorur nëse keni mbindjeshmëri ose alergji individuale ndaj një ose më shumë përbërësve.
Për informacione të mëtejshme lexoni fletëpalosjen ilustruese.