Fitonasal Spray Concentrato

Fitonasal Spray concentrato është një dekongjestionant mbrojtës që përdoret në rast ftohjeje, alergjie dhe në përgjithësi, në prani të bllokimit dhe irritimit të zgavrave të hundës, të lidhura me probleme akute dhe kronike.

Fitonasal Spray concentrato është një produkt aktiviteti i të cilit jepet nga kombinimi i të gjithë përbërësve të formulës.

Ndër këto, me rëndësi të veçantë është TANNISAL-FL, një kompleks molekular natyral i përbërë nga Tanine, Flavonoide dhe Kripë guri, i cili së bashku me glicerinën vegjetale bën që produkti të kryejë këto veprime:

1. një veprim dekongjestionant jo-farmakologjik, për shkak të osmolalitetit të balancuar dhe të standardizuar (750 mOsm/Kg) që favorizon tërheqjen e lëngjeve nga mukoza e kongjestionuar, duke e bërë të rrjedhshëm mukusin dhe duke lehtësuar heqjen e tij, edhe nëpërmjet një veprimi fizik të larjes së zgavrës së hundës, pa shkaktuar acarim dhe tharje.
2. një efekt mbrojtës, në sajë të veprimit mukus-adeziv dhe antioksidues që favorizon mbajtjen e integritetit të barrierës epiteliale dhe procesin e rigjenerimit të mukozës.

Aromat natyrale të Eukaliptit dhe Nenexhikut japin një ndjesi të këndshme freskie.

Fitonasal Spray concentrato nuk përmban dekongjestionantë vazokonstriktorë dhe, në sajë të mekanizmit të tij inovativ me veprim jo-farmakologjik nuk krijon varësi, nuk e than mukozën e hundës, nuk irriton dhe mund të përdoret shpesh, edhe për periudha të gjata.

Ruajtja e produktit garantohet nga procesi i prodhimit me sistem filtrimi sterilizues dhe ambalazhimi në një ambient të kontrolluar mikrobiologjikisht, pa përdorimin e konservuesve.

PAKETIMI
Solucioni i hundës Fitonasal Spray concentrato gjendet në një flakon qelqi të pajisur me një spërkatës me teknologji APF (Advanced Preservative Free), një sistem multidozë me membranë filtruese të integruar që garanton:

• një sprucim të nebulizuar të para-dozuar – spërkatësi pump-spray lëshon një vëllim të saktë të solucionit për çdo spërkatje, duke siguruar një shpërndarje uniforme.
• cilësi dhe mungesën e konservuesëve - membrana filtruese ruan cilësinë mikrobiologjike të produktit në çdo lëshim duke filtruar ajrin e hyrjes. Kjo karakteristikë e bën produktin të përdorshëm deri në datën e skadencës, pa pasur nevojë që të përdoren konservues sintetikë.
• mbrojtja e ambientit - produkti nuk përmban asnjë gaz propelent, duke respektuar ambientin.

SKADIMI
Data e skadimit e treguar në paketim mbetet e pandryshuar edhe pas spërkatjes së parë.
Data e skadimit i referohet produktit të paprekur dhe të ruajtur në mënyrë korrekte.

Dozimi për të rriturit dhe të rinjtë mbi 12 vjeç: spërkatni 2 herë në çdo zgavër hunde, fryni hundët dhe përsëritni aplikimin.

Dozimi për fëmijët nga 6 deri në 12 vjeç: spërkatni 1 herë në çdo zgavër hunde, fryni hundët dhe përsëritni aplikimin.

Pas çdo përdorimi, fshijeni spërkatësin me një pecetë të lagur të pastër dhe thajeni me kujdes.

Këshillohet të aplikoni Fitonasal Spray concentrato disa herë gjatë ditës edhe në kohë të afërta dhe të përsërisni spërkatjen para se të bini për të fjetur.

TANNISAL-FL, kompleks molekular natyral i standardizuar i përbërë nga një fraksion taninik e një fraksion flavonoidik (nga Hamamelis dhe Trumza), Kripë guri (kripë minerare e patrajtuar kimikisht). Ujë, glicerinë vegjetale, Aromë natyrale e Eukaliptit dhe Aromë natyrale e Nenexhikut.

Fitonasal Spray concentrato ka një formulë 100% natyrale dhe të biodegradueshme, nuk përmban substanca sintetike, gjysmë sintetike ose të modifikuara gjenetikisht. 

Nuk duhet përdorur nëse keni mbindjeshmëri ose alergji individuale ndaj një ose më shumë përbërësve.
Të përdoret vetëm në hundë. Të shmanget kontakti me sytë. Në rast se ndodh lajini me ujë. Në qoftë se simptomat vazhdojnë, këshillohuni me një mjek.

Të ruhet në temperaturë ambienti në vend të freskët, të thatë, larg burimeve të nxehtësisë dhe të mbrohet nga drita. Të mbahet larg fëmijëve.

Data e skadimit i referohet produktit të paprekur dhe të ruajtur në mënyrë korrekte.