Prodhojmë
CILËSI NË ÇDO HAP
Nga fusha deri te produkti i përfunduar, ne mbajmë angazhimin tonë të vazhdueshëm për produkte 100% natyrale, ndërkohë që garantojmë gjithashtu cilësinë më të lartë në çdo fazë të procesit, pa përdorimin e substancave kimike, OMGJ-ve dhe tretësve kimikë në të gjithë zinxhirin e furnizimit.
FAZA BUJQËSORE
Faza bujqësore është thelbësore për të arritur principe aktive efikase dhe për të siguruar cilësi dhe standardizim.
Ne vetë kultivojmë më shumë se 95 specie, të cilat përbëjnë një pjesë thelbësore të lëndëve tona të para. Për ne, bujqësia është hapi i parë drejt shëndetit të të gjitha gjallesave. Ne gjithmonë kemi ndjekur një qasje moderne, industriale dhe në të njëjtën kohë që respekton ambientin.
Organike, gjithmonë
Që nga viti 1978, ne kemi kultivuar ekskluzivisht në mënyrë organike, duke ndjekur me kujdes Rregulloret evropiane që ndalojnë përdorimin e plehrave kimike, produkteve të sintetizuara kimikisht për mbrojtjen e bimëve dhe OMGJ-ve dhe që inkurajojnë praktikat ambientale siç është zgjedhja e specieve rezistente ndaj sëmundjeve dhe teknikat specifike të kultivimit (rotacioni i kulturave, plehu i gjelbër, etj.).
Në kultivimet tona, ne respektojmë ritmet dhe burimet natyrale, duke arritur gjithsesi sasinë e lëndës së parë të nevojshme për të realizuar produktet tona.
Nuk i sforcojmë të korrat, por jemi në gjendje të mbajmë rritjen e tyre fiziologjike duke u kujdesur për vitalitetin e tokës në mënyrë që t’i japim bimës kushtet më të mira të mundshme të rritjes. E gjithë faza jonë bujqësore respekton Praktikat e Mira Bujqësore dhe të Grumbullimit (Good Agricultural Collection Practices), udhëzimet specifike për prodhimin e bimëve medicinale.
Më shumë biodiversitet për planetin
Biodiversiteti është burimi jetësor i natyrës për ruajtjen e jetës dhe është kritik për ekuilibrin e të gjithë ekosistemit dhe shëndetin e të gjithë planetit.
Kjo është arsyeja pse ne gjithmonë kemi qenë të përkushtuar për promovimin dhe ruajtjen e tij. Një shembull se si e bëjmë këtë është duke kultivuar një larmi të gjerë speciesh bimore, në një numër shumë më të madh sesa një ndërmarrje bujqësore ose një prodhues bimësh mjekësore.
Pastaj janë barërat e egra dhe barërat e këqija, prania e çmuar e të cilave monitorohet me kujdes nga agronomët dhe operatorët tanë në mënyrë që të ruhet ekuilibri i duhur ekologjik i sistemit. Disa zona në fushat Aboca lihen të pakultivuara dhe pemët e shkurret mbillen në skajet e të kulturave, pikërisht për të rritur biodiversitetin.
Një tjetër provë e pasurisë dhe vitalitetit të tokave tona është bollëku i mikroorganizmave, i insekteve dhe kafshëve të vogla që jetojnë nën tokë ose në përrenjtë që kufizojnë të kultivimet tona.
Këta mikroorganizma të çmuar luajnë një rol të ndryshëm në ruajtjen e stabilitetit të tokës dhe promovimin e pjellorisë së saj.
Si rezultat, toka që siguron lëndën e parë për produktet tona jo vetëm që ka ruajtur biodiversitetin e saj, por është përmirësuar edhe me kalimin e kohës. Ky është një lajm i mirë për ne dhe për Planetin, dhe na ka bërë të fitojmë pikët maksimale në certifikimin e aleancës së biodiversitetit, Biodiversity Alliance. Një tokë e gjallë është një tokë pjellore.
Koleksioni ynë botanik
Ne zotërojmë një koleksion botanik të përhershëm me më shumë se 1,000 specie nga e gjithë bota, me qëllim që të identifikojmë dhe përzgjedhim lëndën e parë më të mirë.
Kjo na lejon të kontrollojmë cilësinë dhe të promovojmë inovacionin duke kërkuar vazhdimisht specie të reja.
FAZA FARMACEUTIKE
Kjo fazë na lejon të nxjerrim komplekset molekulare natyrale që formojnë bazën e formulave tona nga lënda e parë e korrur në fushat tona organike, pa përdorur substanca artificiale.
Stabilimentet tona të prodhimit janë të specializuara në trajtimin e substancave natyrale për të përftuar produkte të përfunduara me cilësi farmaceutike. I gjithë procesi është hartuar me kujdes sipas parimeve që kanë si model qarkullimin, respektin për ambientin dhe inovacionin.
Stabilimenti bujqësor
Lënda e parë e sapo korrur mbërrin në stabilimentin tonë bujqësor në Gricignano (Sansepolcro, Arezzo). Stabilimenti është realizuar duke rikuperuar një sipërfaqe të madhe që kishte kohë që ishte lënë jashtë përdorimit dhe duke ripërdorur një pjesë të materialeve me prejardhje nga prishja e strukturave të vjetra.
Brenda stabilimentit, bimët e mbledhura fillimisht zgjidhen dhe më pas priten. Më pas ato thahen në 30 furra me termoventilim në një temperaturë ndërmjet 45 dhe 60 gradëve. Procesi mund të zgjasë deri në 60 orë.
Fabrikën tonë 4.0 në Pistrino
Përpunimi vazhdon disa kilometra larg në Fabrikën tonë 4.0 në Pistrino (Citerna, Perugia).
Stabilimenti i prodhimit përbëhet nga disa ndërtesa që mbulojnë afërsisht 40,000 metra katrorë, kryesisht të përbëra nga zona prodhimi të ndërtuara sipas standardeve farmaceutike cGMP.
Këtu, gjithçka është projektuar për të siguruar cilësinë maksimale dhe standardizimin në çdo hap, duke përdorur nivele të larta automatizimi, softuer inteligjent të administrimit të prodhimit dhe monitorim të vazhdueshëm të operatorëve.
Stabilimenti strehon një nga impiantet më të mëdha në botë për nxjerrjen në shkallë farmaceutike të substancave natyrale.
Procesi i nxjerrjes bazohet në teknologji të avancuara dhe nuk përdor tretës organikë, por përzierje uji dhe alkooli, si dhe teknika të përparuara të ndarjes fizike, siç është ultrafiltrimi.
Çdo fazë kontrollohet vazhdimisht. Të dhënat regjistrohen në një sistem qendror përpunimi për të siguruar gjurmueshmërinë e plotë të proceseve dhe produkteve. Kjo na lejon gjithashtu të verifikojmë dhe të skicojmë çdo operacion të kryer më përpara.
Prodhojmë lloje të ndryshme formash farmaceutike, secila në zonën e vet të dedikuar: tableta, kapsula, granula, pomada, xhel, shurupe, spray, pika, mikro-klizma dhe çajra erëzash.
Si vendi i prodhimit Pistrino ashtu edhe zyra qendrore Aboca janë të certifikuara ISO 14001 për sistemet e administrimit të ambientit.
Po rinovojmë energjinë tonë për të mirën e planetit
Gjithmonë i jemi përkushtuar përdorimit të burimeve energjetike të rinovueshme dhe me ndikim të ulët në aktivitetet tona të prodhimit. Aktualisht, 95 përqind e energjisë elektrike që përdorim e ka prejardhjen nga burimet e rinovueshme. Tani synojmë të arrijmë në 100%.
Një e ardhme më e pastër me më pak detergjentë
Në sajë të një inovacioni në sistemin tonë për larjen e makinerive dhe vaskave të çelikut të përdorura në prodhim, ne kemi qenë në gjendje të minimizojmë përdorimin e detergjentëve brenda stabilimentit sonë. Ky optimizim na ka lejuar të kursejmë rreth 2 ton detergjentë në një vit.
100% letër e certifikuar FSC
100% e filierës së furnizimit të ambalazhimit të produkteve të Aboca është e certifikuar FSC.
Certifikimi FSC garanton që letra e përdorur për ambalazhet tona të prodhohet në një mënyrë që respekton ambientin, biodiversitetin dhe të drejtat e punëtorëve dhe të popullsisë lokale.
E gjithë kjo është pjesë e një koncepti më të gjerë të qëndrueshmërisë: Letra e certifikuar FSC prodhohet pa prerë asnjë pyll të pashkelur dhe pa dëmtuar asnjë komunitet vendas ose ekuilibrin e ekosistemit.